घर

घर देता का हो मला घर

फिरते वणवण शहरभर//धृ//

शिक्षकांना असे मान सन्मान

समाजाचा शिल्पकार म्हणे जन

घडविण्या विद्यार्थी अर्पिले तन-मन

सर्वधर्मसमभाव हाच मनी असे भाव //१//

घर देता का हो मला घर

सर्व ही आपलीच लेकरे मानले

प्रेम केले उदंड मायेच्या ममतेने

कर्म भूमी जन्मभूमी हा माझा महाराष्ट्र

घर मिळण्यासाठी करिते अपार कष्ट //२//

घर देता का हो मला घर

महाराष्ट्राच्या लेकीला घर मिळेल का

शिक्षकांना न्याय मिळेल का

सर्वधर्म समभाव रूजेल का

माणुसकी खरी कळेल का

मला घर मिळेल का हो घर //३//