खेळणं

मी सकाळी स्वयंपाक करत होते

तेंव्हा माझ्या मुलीने

माझ्याकडे खेळणे मागितले

मी तिला विस्तव दिला

दिले दोन जळजळीत निखारे

तिने खुशाल ते हातात धरले

अन ती खेळत राहिली

त्या निखारयांशी

त्यांची राख फुंकून फुंकून 

तिचे हात पोळले नाही

तिने थयथयाट केला नाही

की तिच्या हातावर

एव्हढासा फोड देखील उठला नाही

तिची नाळ आगीशीच जोडलेली होती 

तिथूनच शिकून आली होती

विस्तवाशी खेळणं

अग्निदिव्यातून जाणं !!!