एकांत

नीलकाशी या सायंकाळी,

मंदिरामध्ये ग सखे बसून...

पाहतोय मी सुंदर रूप तुझ,

पाण्यातल्या प्रतिबिंबामधून....

साडी तुझी सोनचाफा जणू,

अन् झब्बा माझा श्वेत रंगी....

पाहूनी ग तुझे हे सौंदर्य,

घेई माझे ते मन वेधूनी...

बसलो अगदी एकांतात आपण,

रेखाटतो सुंदर स्वप्न आपुले...

या ऐतिहासिक मंदिराच्या साक्षीने,

देतो वचन करू संसार जोडीने...

 हा निसर्ग आहे ग साक्ष,

आपल्या सुंदर नात्याचा...

होणार नाही अंत कधी,

आपल्या निःस्वार्थ प्रेमाचा...

शांत एकांतात आपण.

हरवूनी जावू दोघे...

लक्ष्मी नारायणासारखी,

जोडी आपली शोभे...