लाइब्रेरी
प्रोफाइल
एकाकी
एकाकी
1 min
273
आज पिकले पान मी
काल काही और होते
सुरांच्या मैफिलीतला
मी ही धुंद सूर होते
आज बाग ही मनाची
फुले ती आठवणींची
काल होती किलबिल
चिवचिव पाखरांची
आज भयाण हे जग
माझ्या सुन्न करी जीवा
होती रंगीत दुनिया
रंग कोणता हा नवा
आज पिल्ले माझी सारी
मला झालीत पारखी
ओळख ना देई कोणी
झाली परक्या सारखी
माझा लळा, प्रेम, माया
काल होते त्यांना हवे
पंखांमध्ये येता बळ
आकाश शोधले नवे
होती जगण्याची आशा
आस आणि स्वप्ने नवी
निराशेचे हे मळभ
नित्य मृत्यूला आळवी
रूक्ष पिकले हे पान
पानगळ बाकी आहे
गोतावळ्यात माझ्याच
आज मी एकाकी आहे
