एक मोरपीस प्रेमाचे

मनातल्या आभाळात उडाले

एक मोरपीस अन् अलगद ढगांमध्ये लपले , 

मनही मग गेले त्याच्या पाठी

अन् धरुनी त्यास हाती ते हृदयाशी जपले !

मोरपीसाला त्या होता तुझ्या माझ्या आठवणींचा सुगंध , 

जणू त्या आठवणींचे आहेत

आपल्या आयुष्याशी जन्मांतरीचे अनुबंध !

अवखळ अल्लड लपलेले ते मोरपीस

पुन्हा एकवार फिरले माझ्या काळजावरून ,

अंगी उमटले शहारे अन् मला जाणवला

तुझ्या अस्तित्वाचा सुगंध आलेला दुरून !