एक दिवा लावू चला

अंधारात प्रकाश होण्यासाठी

सर्वांनी एक दिवा लावू चला

नैराश्याने ग्रासलेल्या मनात

आत्मविश्वास जागवू चला

लॉकडाऊन झाली गाव शहर

ठप्प झाले सर्वांचे व्यवहार

तळहातावर पोट असणाऱ्यांना

मदतीचा हात देऊ चला

अंधारात प्रकाश होण्यासाठी

सर्वांनी एक दिवा लावू चला

विषाणू पसरतोय हातपाय

वेळीच करावा लागेल उपाय

रोगाचा फैलाव होण्यापूर्वी

त्याचा नायनाट करू चला

अंधारात प्रकाश होण्यासाठी

सर्वांनी एक दिवा लावू चला