दिवस ते प्रेमाचे...

दिवस होते ते साजरे

तुझ्या माझ्या प्रेमाचे

उमलत्या फुलांसारखे

चांदण्यात रंगून जाणारे...

तुझ्या स्वरात नकळत तेव्हा

शब्द माझे मी गुंफले

शब्दांतल्या त्या कळयांना

तु ताला-सुरात गायीलेस

रातराणीच्या गंधात तेव्हा

प्रेम अपुले बहरले

सावली होऊन मी तुझी

तुझ्यासवे एकरुप जाहले

तू माळलेल्या मोगऱ्याने तेव्हा

मन माझे मोहरुन गेले

कसे सांगू मी तुला.....

तुझ्या माझ्या प्रेमाचे गुपित

मी आजवर मनोमनी जपले......