दिवाळीची हो चाहूल*
दिवाळीची हो चाहूल*
रात बहरे थंडीने
ऋतू पालटता छान
दिवाळीची हो चाहूल
जीवनात वाटे शान ||१||
धुके पडते पहाटे
गार गार सुटे वारा
रजईत आनंदाने
घेवू शेकोटी पहारा ||२||
पेटा अंगणी शेकोटी
वाटे पहा उबदार
संगे चहाचा आस्वाद
रंग हो बहारदार ||३||
भूक लागे कडाडून
रात बहरे थंडीने
ऊर्जा,चैतन्य लाभेल
खास हो सुका मेव्याने ||४||
सुट्या पडता शाळेला
मजा किल्ला करण्यात
आवडीचा खेळ रंगे
भर पडे उत्साहात ||५||