क्रांती

माणूस म्हणून जन्मा आला

का मानतो तू जीवनात भेद

भारताचे सुज्ञ नागरिक सारे

द्या क्रूर अशा विचारांना छेद ||१||

कार्य तृप्ती आनंदाने साजरा

मुलगा-मुलगी माना समानता

दोघांना देवून हो मान-सन्मान

दाखवा कर्तव्यातून मानवता ||२||

उद्याची स्वप्ने साकार करण्यास

उजळावी घरोघरी पणती खास

आनंदाची, सुखाची, प्रगतीची हो

घ्यावा मानवाने जीवनात ध्यास ||३||

नका समजू वंशाचा दिवा मुलगा

म्हातारपणाची काठी असते लेक

तिला शिक्षण देवून, पायावर उभी

करून करा कार्य जीवनी हो नेक ||४||

उज्ज्वल क्रांती करण्याची मशाल

घेवू हाती हो एकोप्याने जीवनात

हुंडा प्रथा बंद, स्त्री भ्रुणहत्या आता

ठेवू एकमेकांना सदा हो आनंदात ||५||