क्रांतीज्योती

क्रांतीज्योती सावित्रीने

दिला ज्ञानाने आकार

दार खोलुन शिक्षण

केले विचार साकार ||१||

 

बुरसट विचारांना

खऱ्या अर्थी मिटवले

महिलांचे भवितव्य

शिक्षणाने घडवले ||२||

नित्य झेलून विरोध

नाही घेतली माघार

पती सहकार्यानेच

केले सत्कार्य प्रसार ||३||

धैर्यवान ,पुण्यवान

साऊ शिक्षिका बनली

शेण ,चिखल झेलून

ठरे स्त्रीयांची सावली ||४||

कर्तृत्वाने,कर्तव्याने

घडविला इतिहास

उरी जपला प्रखर 

शिक्षणाचा सदा ध्यास ||५||