चल चल बाळा

चल चल बाळा,जाऊ जिल्हा परिषद शाळा

जिथे शिक्षणाचा लळा,तुला लागेल बाळा...||धृ||

कृती-उपक्रम, गाणी-गोष्टी

  राबविती गुरू

मुलात मूल होऊन

 शिक्षण करती सुरू

नको राहू घरा, चल चल पोरा

दप्तर पाठीवर घेऊन,चल भराभरा..||१||

 मोफत शिक्षणासह वाढवते

   गुणवत्ताही खास

 जिल्हा परिषद करते

  बाळा सर्वांगीण विकास

नाही मागे रहायचं, आता पुढे पुढे जायचं

क्षमता विकसनासाठी,जिल्हा परिषदेतच जायचं..||२||

कृतीयुक्त कवितेसह

  कृतीयुक्त पाठ

जिल्हा परिषदेतच होतात

  पाढे तोंडपाठ

नको आता उशीर,लवकर जाऊ

प्रवेशदिंडीमध्ये,सामील आता होऊ..||३||