चार भिंतीतील स्मशान पाहे
चार भिंतीतील स्मशान पाहे
कधी काळी येथे
जीवन अंकुरत होते
तान्ह्या बाळाचे रडणे
येथे बहरत होते
मरणाच्या दारात येथे
मिळत होती संजीवनी
कित्येकांचे पुसून अश्रू
हास्य आणिले जीवनी
येथे अविरत मिळत होती
रुग्णांसाठी सेवा
तत्पर येथील सेवकवर्ग
हाच समाधानाचा ठेवा
एका काळ रात्री येथे
दहशतवादी हल्ला झाला
होत्या नव्हत्या सेवकांसहीत
रुग्णांनाही टिपून गेला
तेव्हापासून रुग्णालय हे
व्हेंटी वरती जगते आहे
जगते कसले हे तर
चार भिंतीतील स्मशान आहे