बहरली सांजवेळ

माझ्या मनीचा

चंदावा खुलला अंगणी

तुळस चंदनी

बहरलीसे 

माझ्या मनीचा

मोगरा फुलला माळरानी

भावनांचा मनी

कुंचलासे 

माझ्या मनीची

प्रिती बहरली सांजवेळी

काहूर अवेळी

माजतसे 

मझ्या मनीचा

भाव झुरला हृदयी

असा निर्दयी

सजाणसे 

माझ्या मनीची

काय सांगू गती

खुळी प्रिती

वसलीसे 

बहरली सांजवेळ

हवेत पसरला गारवा

वाटे मारवा

ऐकलासे 

माझ्या मनीचा

सांज झुरतेसे अशी

चाहुल कशी

तुलानसे 

माझ्या अंगणी

बहरली सांजवेळी रातराणी

चकोरमनी चांदणी

भाळलीसे

बहरता सांज

अशी अनाहूत ओढमनी

प्रितिभाव तनी

जागतसे

बहरात सायली

कळी गुलाबी बहरली

सांजवेळी आतुरली

सरितासे 

जाता अस्तास

सुर्य सागरीच्या लाटा

सरिताही वाटा

भुलतसे

बहरात सांजवेळ

प्रिती मनी खुलते

क्षितिज हसते

तुझ्यासवे