भीती

वाटते सतत राहावे जिंकत,

म्हणून असते सतत झटत,

कष्टांची होऊ नये माती,

हरण्याची मला वाटते भीती  ll १ ll

कायम मन खंबीर करत,

झेलते मनावर दगड ठेवत,

समाजाच्या सर्व रीती-भाती,

हरण्याची मला वाटते भीती ll २ ll

सगळेच सैरभैर असतात धावत,

समाजातील पाप नाही पाहवत,

पैश्यावर अवलंबून सर्व नाती

हरण्याची मला वाटते भीती ll ३ ll

मेहनत म्हणजेच देव ,

असे स्वतःलाच समजावत,

कष्टांच्या मी पेटवते वाती,

हरण्याची मला वाटते भीती  ll ४ ll

या जगण्यावर करावे प्रेम,

कधी निष्प्राण होऊ याचा नाही नेम,

विचारानेच धडकते छाती,

हरण्याची मला वाटते भीती ll ५ ll