बालवाडीतील पहिला दिवस
बालवाडीतील पहिला दिवस
1 min
291
बालवाडीतील दिवस पहिला,
माझ्या कायम लक्षात राहिला,
नवीन शाळा, मित्र नवीन,
तरी आठवत होती बहीण ll १ ll
दोन तास बसायचे कसे,
डोळ्यातील पाणी थांबत नव्हते,
सर्वांचीच अवस्था माझ्यासारखी,
सगळेच दुःखी दिसत होते ll २ ll
खाऊ-खेळणी,
कशातच रमत नव्हते मन,
शाळा-बाई
जणू बनले होते रण ll ३ ll
हळूच माझ्याकडे आल्या बाई,
पाहून माझी अवस्था,
वाटत होते सांगावे त्यांना,
दाखवा मला घरचा रस्ता ll ४ ll
बाई मात्र फारच हुशार,
विचारले काय आवडते तुला,
क्षणाचाही विचार न करता,
म्हटले गुलाब प्रिय मला ll ५ ll
कुठून कशी माहित नाही
बाईंनी आणली गुलाबाची कळी,
पाहुनी ते सुंदर फूल,
माझ्या गाली उमटली खळी ll ६ ll