Library
Profile
भाऊबीज
भाऊबीज
1 min
278
दिपावली असे सण
सर्वांच्याच आवडीचा
आनंदाची उधळण
दावी रूप संस्कृतीचा
सण आहे चैतन्याचा
मांगल्याचा आनंदाचा
नाती बहरुन येता
ओढ लागे भेटण्याचा
बंधुराजा येईल घरी
पहा काढून रांगोळी
वाट पाहते भावाची
लावुनिया दीपओळी
घेई तबक हातात
निरांजन तेजाळून
करी औक्षण भावाचे
ऊर भरे ओवाळून
मुख चंद्र बहिणीचे
मोदे किती उजळले
माया करी आई सम
दोघे मनी आनंदले
प्रेमभावे देई भाऊ
बहिणीस उपहार
लागो न दृष्ट कधी
माझा भाऊ दिलदार
