Library
Profile
बैसाखको तपनमा (पोवारी कविता)
बैसाखको तपनमा (पोवारी कविता)
1 min
175
लगी ग्रीष्मकी चाहूल
सूर्य आगच ओकसे |
बैसाखको तपनमा
जीव मोरो लहाकसे ||१||
पारा चढेव सुर्यको
मन व्याकुळ भयेव |
बैसाखको तपनमा
जीव कोमाय गयेव ||२||
येन गरम हवा को
लग चटकाको मार |
बैसाखको तपनमा
बह आंगलका धार ||३||
खुब धरनी तपसे
होसे अंगार पायकी |
बैसाखको तपनमा
लाही होसेत जीवकी ||४||
घसा पडसे कोरडो
मोला लगसे तहान |
बैसाखको तपनमा
थंडो पाहिजे पिवन ||५||
घसा पडसे कोरडो
मोला लगसे तहान |
बैसाखको तपनमा
थंडो पाहिजे पिवन ||५||
