# बायको ही बायकोच असते ---
# बायको ही बायकोच असते ---
बायको ही बायकोच असते,
कारण ती दोन कुटुंबामधील दुवा असते ---
दिवस रात्र राबून सर्वांचे प्रेम जपणारी,
तिखट तुरट शब्दांना साखरेचा गोडवा देणारी,
कोणत्याही संकटाना न डगमगणारी,
थंडी वाऱ्यात मखमली शालेत आसरा देणारी,
बायको ही बायकोच असते ---
समईतल्या ज्योतीसारखी अखंडपणे कुटुंबासाठी तेवणारी,
मेणबत्तीसारखी स्वतः जळून दुसऱ्याला प्रकाश देणारी,
स्वतःच्या कुटुंबासाठी वाढवते ती रोजच गोडवा,
अडचणींच्या वेळेतही साजरा करते ती नेहमीच पाडवा
बायको ही बायकोच असते ---
स्वतःच्या अपेक्षांना मुरड घालणारी,
आयष्यातील प्रत्येक आठवणींचा ठेवा जपणारी,
घडलेल्या प्रत्येक जखमेवरची ती बनते खपली,
उन्हापावसात सर्वासाठी उभी राहून देते ती वटवृक्षाची सावली,
बायको ही बायकोच असते ---
कुटुंबाचा बगीचा नाजूक फुलांनी फुलविणारी,
फुललेल्या फुलाचा सुगंध घरभर पसरवणारी,
एका कुटुंबाचा त्याग करून दुसरे कुटुंब घडविणारी,
स्त्री जन्मा हि तुझी कहाणी बाईत आई होणारी,
बायको ही बायकोच असते ---
प्रत्येकाच्या ह्रदयाच्या संवेदना जपणारी,
एकमेकांच्या डोळ्यातील आसवे पुसणारी,
हाकेला आरोळी देणारी आणि वेळेला टाळी देणारी,
जनोजन्मीचे एकमेकांचे ऋण फेडणारी,
बायको ही बायकोच असते -----