बाजार

भावनांचा चालला व्यापार आहे

भास्कराने पाहिला अंधार आहे

भाकरीचे पेटलेले युद्ध मोठे

माणसांचा वाढला संहार आहे

तूच माझा मी तुझी हे सांगताना

साजणाने मोडला संसार आहे

आवडेना तेच गीत गात होते

का मनाची आज झाली हार आहे

कोणता माझा खरा प्रेमी कळेना

रोमिओंचा भोवती बाजार आहे

मज विधात्या का दिला तू जन्म येथे

मानवांचा दानवी संसार आहे

श्वास माझा मोकळा होता जरासा

वाढला कोव्हीडचा आजार आहे