अस्मान - भरारी
अस्मान - भरारी
1 min
280
आकाशाला गवसणी घालायला निघाला आहे तो |
आभाळातही रंग भरायची क्षमता बाळगतो ||
पंख पाखरांचे घेऊन अस्मानी उडू जो पाहतो |
गरुड-भरारी घेईन नभांतरी, ही जिद्द मनी धरतो ||
बालपणी खेळला अंगणी, चेंडू हाती घेऊनी |
मायेने निजवीतसे माता, चंद्र त्यास दावूनी ||
परी त्यास लागली ओढ नित सूर्य-दर्शनाची |
दिशा दावी जो जगा, तेजाने तळपत्या भास्कराची ||
आकांक्षा बाळगी मनी तो भव्य भविष्याची |
पायऱ्या चढताना शिडीच्या, साथ आत्मविश्वासाची ||
ध्यास लागला एक मनाला, करू आभाळाला स्पर्श |
आदित्याला कवेत घेऊन करीन साजरा हर्ष ||