अंतरीचे स्पंदन

काळोख्या रजनीत सखया चंद्र होवुनी येशील का ?

शांत शीतल चांदणे मजला तू देशील का ?!!

हरवलेल्या मम मनाचा शोध घेण्या येशील का ?

गुदमरलेल्या या जिवाला श्वास देण्या येशील का ?!!

अधीर या कानांना सूर सुमधुर देशील का ?

परत येवुनी साथीला संसारगीत गाशील का ?!!

चित्र मनातील साकाराया चित्रकार होशील का ?

रेखाटलेल्या चित्रात रंग प्रितीचा भरशील का ?!!

स्वप्नाळलेल्या लोचनी वास्तव रुप देशील का ?

हितगुज करण्या मजशी रे मृगजळ सोडुनी येशील का ?!!

विकसीत सुमने बागेतली डोळे भरून पाहशील का ?

अंतरिची उणीव भरण्या बागेचा माळी होशील का ?!!

सारं सारं सुख पाहून मोदभरीत होशील का?

कळत नकळत नीत माझ्या ' अंतरिचे स्पंदन ' होशील का ?!!