"प्रेम"

तुझे प्रेम म्हणजे जणू

मुरलेल्या लोणच्यासारखे

कितीही जुने झाले तरी

मनाला चविष्ट वाटण्यासारखे

तुझे प्रेम म्हणजे जणू

आकाशातील चंद्र सूर्य तारे

युगानुयुगे येत राहतील पण

आभाळात नेहमीच चमकणारे

तुझे प्रेम म्हणजे जणू

कोसळणाऱ्या धबधब्यासारखे

स्वच्छ, शुभ्र, वेगाने वाहणारे

प्रेमळ प्रियकरासारखे

तुझे प्रेम म्हणजे जणू

चंद्राची शीतल छाया

भुरळ घालते माझ्या मनाला

प्रेमाची अद्भूत माया

तुझे प्रेम म्हणजे जणू

हवीहविशी बेचैनी

जितका अधिक दूर तू

असतोस माझ्या जवळ मनी

तुझे प्रेम म्हणजे जणू

न संपणारी हुरहूर

देशील माझी साथ जीवनी

जाऊ नकोस कधीही दूर