पहिलं प्रेम

समुद्रकिनारी हळुवार चालतांना

हात तुझा माझ्या हातात

सुंदर ती नारंगी संध्याकाळ

गुंतले वेडे मन तुझ्यात

ओल्या वाळूवर चालतांना

प्रश्न असंख्य उरात

तुझ्या डोळ्यांची जादू होती

की प्रेमाची होती ती सुरुवात

प्रेमातील धागे विणातांना

सुखदुःखाचे रंग जीवनात

सोबत करूया सदैव आपण

सुखात असो वा दुःखात

तो दृढ विश्वास अनुभवताना

भानावर आले मी क्षणात

कळून चुकले होते मजला

माझा श्वास होता तुझ्या श्वासात

जीवनातील प्रवास करतांना

मिळून चालुया ही पायवाट

पृथ्वीवरच नव्हे तर साथ आपली

सोबत असावी स्वर्गात