अनुभूती स्वर्गसुखाची

पावसात भिजलेले रूप तुझे ओले

बघून त्याला मन माझे हरवून गेले,

पावसाच्या सरींचे वस्त्र लेवूनी

अंग अंग राणी तुझे खुलून गेले

ओली चिंब होऊनी सामोरी तू आली

पाहूनी तुला माझी मतीच गुंग झाली,

थरथरत्या ओठांची भिजलेली लाली

बघून तिला जीव माझा होतो वर-खाली

नयनांवर पडलेले थेंब ते पाण्याचे

स्वप्न पाहिले त्यांनी मोती होण्याचे,

गळूनी गेले जेव्हा जमिनीवर खाली

दुःख अनुभवले त्यांनी संपून जाण्याचे

गगनात या जेव्हा वीज कडाडली

दचकून तू राणी मला बिलगूनी गेली,

मिठीत येताक्षणीच तू या हृदयाला

पृथ्वीवर स्वर्गसुखाची अनुभूती झाली