आर्थिक हल्ला
आर्थिक हल्ला
हप्ता थकवला बॅंकेचा तर
लगेच दंड ते वसूल करती,
बुडवले बँकेने जनतेला
तरीही जनताच त्रास सोसती
पैशावर आमच्या बँक ही वसली
पालनपोषण आम्हीच केले,
जेव्हा होती गरज आम्हाला
दार मरणाचे तिने दाविले
धनाढ्य बनले चोर इथे किती
तरीही रूबाब त्यांचाच मोठा,
काहीही घडले तरी या देशात
सामान्य जनताच सोसते तोटा
चोरांस मिळते अभय इथे अन्
संन्याशाला मिळते फाशी,
चोरी करूनी चोर पळाले
स्थायिक झाले जाऊन विदेशी
पैसा घरी ठेवण्यास बंधने
बँकेत ठेवला तरीही धोका,
सामान्यांनी कसे जगावे
उत्तर असेल तर सांगून टाका