आठवणींचे पक्षी फुलवतात पिसारा
आठवणींचे पक्षी फुलवतात पिसारा
आठवणींचे पक्षी फुलवतात पिसारा एकांती
झळकू लागते क्षणाक्षणाने गोरी तुझी कांती
उबदार आठवणींच्या चादरीत घ्यावे लपेटून
चादंण्यांच्या अंगणात विचारांनी जावे झपाटून
आठवणींचे पक्षी करती माळावर गलका
सुमधूर किलबिलाटाने मळा होई हलका
आंबट-गोड फळे शेलकी देती जीवनाला स्वाद
आस्वाद घ्यावा क्षणोक्षणी बाजूला ठेवूनी वाद
आठवणींचे पक्षी पाहती वाट आपल्या पिलांची
पंखांना लावून बळ उंच भरारी मारणारांची
पाहते हे घर विखुरलेले वाट वाकडी करा जरा
पिल्लांसोबत आसऱ्याला या घरी तुम्ही जरा