लाइब्रेरी
प्रोफाइल
आखाड
आखाड
1 min
471
' आखाड '
आखाडाची लागलीया झड
किती झालीया ही पडझड
माज्या जीवाची लई तडफड
कशी काढू मी आजची नड
तीन दगडांची माझी चूल
जाली पगा की हो मातीमोल
टीनपाटं बी वाहून गेलं
सरपन बी जालं वलं
दिस सारा गेला वल्यात
हुडहुडी भरली अंगात
सारी वलीच की ह्यो धडुतं
कुटं ठिवूं लेकरू माजं ?
कुनी यील का मदतीस?
माज्यावानीच त्येंची बी गत
यकादशीच्या झोपडीत
शिवरात्री आली दारात
आता कुनी फुडारी यील
आसू ढाळीत भासन दील
झोपडी दादाच्या संगटीन
काहीबाही देऊ करील
आवो उटा की जाग्यावरून
हतं हाये का उपेग बसून
दरसालीचं आपुलं रडनं
कुनी दिलं का पैकं आनून
त्या फुडार्याचं काय ऐकता
त्याची बोलाचीच की भासा
अनुभोवान व्हाव शानं
लावू ठिगाळ आपुलं आपनं
