आज तर तुला मानलं पाहिजे
आज तर तुला मानलं पाहिजे
आज तर तुला मानल पाहिजे
मोठ्या उत्साहात देवी बसवतो आहेस
हां आता ही वेगळी गोष्ट आहे की
घरच्या देवीला क्षणाक्षणाला रडवतो आहेस |१|
मोठ्या भक्तिने देवीला सजवतो आहेस
सोन्याचांदीच्या दागीन्यांनी मढवतो आहेस
घरी मात्र लंकेची पार्वती करूँन ठेवली आहेस
यासाठी तर तुला मानलच पाहिजे |२|
दोन्ही हात जोडून मस्तक नमवून
देवीला तू विनवतो आहेस
हां आता त्याला काही फरक नाही पड़त
की घरच्या देवीला शब्दा शब्दाला हिनवतो आहेस |३|
वाघावर बसलेल्या स्त्री चा तू करतोयस आदर
पन गरबा खेळायला आलेल्या
स्त्रीचा तू धरु पाहतोयस पदर
यासाठी तर तुला मानलच पाहिजे
सामान्य देवीच चपलांच वरदान
तुला भेटायलाच पाहिजे |४|
दसऱ्याला म्हणे मोठ्या पराक्रमाने
रावणाला जाळनार आहेस
जरा स्वत:च्या आत डोकावून बघ
तू तर त्यांचा ही बाप आहेस
नऊ दिवसाची नवलाई सोडून
नेहमीसाठी करशील स्त्री चा आदर
तेव्हाच तुला मानल पाहिजे
नाहीतर तुला उलट टांगून हानल पाहिजे |५|