आज इकडेपण पाऊस आला

आज इकडेपण पाऊस आला

फरक एवढाच

तिकडचा ओळखीचा

इकडचा अनोळखी

पावसात हरवलेल्या होत्या पाऊलवाटा

फरक एवढाच

चालताना त्या ओळख दाखवून सोबत करायच्या

अन इकडच्या हसून ओळख विचारायच्या

पावसाच्या धाराही जरा वेगळ्याच होत्या

फरक एवढाच

तिकडच्या अल्लड मुली सारख्या बरसायच्या

इकडच्या गोऱ्या बाईच्या शिस्तीसारख्या

पावसाचा चिखल इकडेही होता

फरक एवढाच

तिकडचा पोळ्याला तो कधी हातात यायचा

इकडे बुटाला लागला तरी वैताग करायचा

आज इकडेपण पाऊस आला

फरक एवढाच

तिकडचा जुन्या आठवणी सोबत घेऊन येणारा 

इकडचा,

तिकडच्या पावसाच्या आठवणी सोबत घेऊन येणारा