लाइब्रेरी
प्रोफाइल
प्रिया माझी बावरावी
प्रिया माझी बावरावी
1 min
292
गालावरची बट तुझ्या
हाताने सावरावी
नाजूक स्पर्शाने त्या
प्रिया माझी बावरावी
लाजून चूर त्या पापण्यांची
हालचाल नाजूक व्हावी
लाजेच्या त्या चाहुलीने
प्रिया माझी बावरावी
ओठांची ती थरथर
ओठांनीच थांबावी
नकळत चुंबताना त्यांना
प्रिया माझी बावरावी
संध्याकाळ संपता संपता
भेट ती सरता सरता
विरहाच्या त्या चाहुलीने
प्रिया माझी बावरावी
