आई-बाबा (सुनीत)

तुम्ही माझ्या अंधारातील वात

जन्मभर असू द्याल ना, हाती-हात माझा ?

तुम्हीच तर आहात खरा दागिना माझा

पुढच्या सातजन्मात राहील ना आपलं हेच नात ?

तुम्हीच दिलीय मला खरी संस्काराची शिदोरी

कशी पडू देणार हो , मी त्याला तडा ?

विश्वास ठेवा माझ्यावर , तुमच्या आयुष्यात टाकेल सुखाचा सडा

सातजन्मात कशी विसरणार माझी वचने सारी ?

काटेरी वळणांनवरून तुम्ही मला चालायला शिकवलंय

मग , आयुष्यातील वळणांवर तरी कशी अडखळणार ??

आयुष्य कसं जगावं हे मला पण जमतंय

मार्गाने जाता-जाता तरी कशी मी अचुकतेकडे वळणार?

मी असल्यावर कधी नाही येणार तुमच्या डोळ्यात पाणी

आई-बाबा , विश्वास ठेवा तुमच्याच लेकीची आहे ही वाणी !