വിശപ്പിന്റെ വിളി
വിശപ്പിന്റെ വിളി
1 min
420
കണ്ണുനീരുപ്പിൻ രുചി വറ്റിടുമ്പോൾ
ഒട്ടിയ വയറിലെ താളമിടറുമ്പോൾ
പരവശയായെൻ ഓർമ മങ്ങുമ്പോൾ
അരണ്ട വെളിച്ചത്തിൽ വേട്ടനായടുക്കെ
മനുഷ്യമാംസത്തിന്റെ ഗന്ധം വമിക്കവേ
എൻ വിശപ്പിന്റെ വിളികൾ കെട്ടടങ്ങുന്നു
അശാന്തിയുടെ ഈ രാവിലന്ത്യമില്ലെങ്കിൽ
ജീവനോടെന്നെ കുഴിച്ചു മൂടീടുക
ഭാരങ്ങളെല്ലാം ഭൂമി തൻ മാറിലലിയട്ടെ
ഒരു കുഞ്ഞു തൂവലായ് ഞാൻ പറക്കട്ടെ