താരകങ്ങൾ

ആകാശത്തു നില്ക്കും താരകങ്ങളേ,

കണ്ണഞ്ചിപ്പിക്കും നക്ഷത്രങ്ങളേ,

നിങ്ങളപാരമുണ്ടെങ്കിലും,

ഇവിടെ നിന്നു നോക്കിടുമ്പോൾ,

ചെറുതായി തോന്നുന്നിതെല്ലാവർക്കും.

നിങ്ങളെ കുറിച്ചു പഠിച്ചു

ഞാൻ കുറച്ചറിഞ്ഞുവെങ്കിലും,

കൂടുതലറിയുവാൻ ആഗ്രഹമെനിക്ക്.

ഈ ആയുസ്സു മുഴുവൻ പഠിച്ചാലും,

ആവതില്ലെന്നെനിക്കറിയാമെങ്കിലും,

എൻ ശ്രമം തുടരുന്നു താരകങ്ങളെ.

നിങ്ങളുടെ അടുത്തെത്തുവാൻ മോഹമെനിക്ക്.

ആകാശത്തു നില്ക്കും താരകങ്ങളേ,

കണ്ണഞ്ചിപ്പിക്കും നക്ഷത്രങ്ങളേ.