ചന്തം

നിഴലുകൾക്കെന്തൊരു ചന്തമിന്ന്

നിഴലുകളുടെ രൂപങ്ങൾക്കെന്തു ചന്തം

മുമ്പേ ഗമിക്കുന്ന പിമ്പേ ഗമിക്കുന്ന

നിഴലുകൾ ജീവിത വഴികാട്ടിയോ

പിറന്ന കുഞ്ഞുങ്ങൾക്കെന്തു ചന്തം

ഉണ്ണിതൻ തേൻമൊഴിക്കെന്തു ചന്തം

ഉണ്ണിതൻ ലീലകൾക്കെന്തു ചന്തം

ഏറെ പഠിക്കുവാനുണ്ടെനിക്കു

ഏറെ ഗ്രഹിക്കുവാനുണ്ടെനിക്കു

ഉണ്ണിയെപ്പോലുള്ള ഉണ്ണിയായ് തീരുവാൻ

മാമക ചിത്തം കൊതിക്കുന്നു നിത്യവും

അക്ഷര തേൻകനിക്കെന്തു ചന്തം

പുസ്തക താളുകൾക്കെന്തു ചന്തം

നേരും നെറിക്കും ഇതെന്തു ചന്തം

നേരിന്റെ നേരറിവിനെന്തു ചന്തം

നേരിന്റെ നെറിയുടെ തോഴനാവാൻ

തെളിമയുടെ പാതയിൽ സഞ്ചരിക്കാൻ

കഴലുകൾ വെമ്പുന്നു മനതാരു തുടിക്കുന്നു