പ്രണയമാപിനി
പ്രണയമാപിനി
മഞ്ഞണിഞ്ഞ സായാഹ്ന നിമിഷങ്ങളിൽ
തേടി വന്നൊരു മൃദുമന്ദഹാസമേ
അറിയാതെ പോയി നിൻ
കറയറ്റൊരാനുരാഗം ..
പറയാതിരുന്നിട്ടും ,
മഴയായി പെയ്തിട്ടും ,
വെയിലായ് പൊതിഞ്ഞിട്ടും ,
പൂവായി പൊഴിഞ്ഞിട്ടും ....
തിരികെ ഞാൻ നല്കിയില്ലൊരു
ചെറു പുഞ്ചിരിപോലും ..!!!
അറിയാൻ വൈകിയോരെന്റെ
അരിയ സ്വപ്നമെ ..
നിന്റെ നിഴലാണ്,
മനമാണ്,ചിറകാണ്
ഞാൻ ഇന്നും.
അപരാധമെന്നറിയുന്നു
വൈകിയാണെങ്കിലും..
ഒരിക്കലെൻ പ്രതീക്ഷയാം
നൗക നിനക്കരികിൽ
വരുമന്നേരം വരിക തിരികെ
നിൻ പ്രണയമാപിനിയിൽ
ഞാൻ തെളിയുന്ന നേരം..