കാത്തിരിപ്പ്.
കാത്തിരിപ്പ്.
ഒരു നറുനിലാവ് പൊഴിഞ്ഞു
നിന്ന രാവിൽ നീയൊരു സ്വപ്നത്തോണിയിലേറി
മന്ദമാരുതനായ് ഒരു
ചെറുകുളിരായ് വന്നു
എന്നകക്കാമ്പിൽ സുന്ദര -
സുന്ദരഭിലമായ്....
ഓർമച്ചെപ്പിൽ ഒരു മൺചിരാതിൽ
മുനിഞ്ഞു കത്തുന്നുണ്ടോരഗ്നിനാളം
ഒരു നിറചിരിക്കായ് വിടർന്നു
വന്നൊരാ കണ്ണുകൾ പോലെ.
വിരിഞ്ഞു വന്നൊരാ വദനത്തിൽ
കാണാം ഇപ്പോഴുമെന്നകതാരിൽ
വിരിഞ്ഞു നിൽപ്പുണ്ടൊരാ
ചിത്രം മനോമോഹനമായ്
മറക്കുവാനാവതില്ലൊരുനാളും.
കാത്തുനിൽപ്പുണ്ട് ഞാനിപ്പോഴും
നിനക്കായ്, ഒരു ചെറു നാദമായ്,
ചെറുകാറ്റിഴയും ഓടയാം
കുഴലുകളിലൂടെ നീ വന്നെത്തുന്നതും!
മരണത്തിൻ കാലടിയൊച്ച കേൾക്കുന്നിണ്ടിപ്പോഴും,
നീ വരുന്നത് കാത്തിരിപ്പുണ്ടിപ്പോഴും
നിന്റെ നാദമൊന്നു കേട്ടു
കോൾമയിർ കൊള്ളുവാൻ മാത്രം.