പനിനീർമാല്യം

അരികിൽ നീ-

യന്നുണ്ടായിരുന്നപ്പോൾ

കാണ്മതുംകേൾപ്പതും

നിനച്ചിരിപ്പതുമെല്ലാം

വർണ്ണപനിനീർപുഷ്പങ്ങൾ

കോർത്തൊരുനറുമലർ

ഹാരമായിരുന്നു, അതെന്നിൽ

നൽസുഗന്ധങ്ങൾ നിറച്ചിരുന്നു..

ചിലനേരമ്പോക്കുകളിൽ

അഭിരമിച്ചകാലങ്ങളിൽ

നീയെന്നസത്യം

ഉൾച്ചേരാനാവാതെ

പോയൊരുനാൾ,ചുറ്റിലുംനിന്നു

പലനോട്ടങ്ങളാൽ സന്തോഷം നിറഞ്ഞ

ചിരികൾ ഉരുത്തിരിഞ്ഞൊരു

ചെറുചുഴലിക്കാറ്റെനിക്കുചുറ്റും

വന്നു വീശിപ്പൊലിയവേ,

കാണാതെപോയി ഞാനാസുഗന്ധമാല്യം

…

നഷ്ടമായെന്നുൾവിളികൾ

ചൊല്ക്കളിയാട്ടങ്ങൾ നടത്തിടവേ,

നീർചോലയിൽ കളകളാരവം

തീർത്തുംക്കൊണ്ട് തെളിനീർകണങ്ങൾ

ജീവിതംപോൽ ഒഴുകിപ്പരന്നീടവേ,

ചെന്നുചേർന്നുവീഴുന്നത് നിലയില്ലാ

ആഴക്കയത്തിലേക്ക് എന്നറിഞ്ഞീടവേ,

ആ സുഗന്ധമാല്യം ഇപ്പോഴും

തിരയുന്നൂ ഞാൻ എൻ ജീവിത പന്ഥാവിൽ...

ഇനിയിരിക്കലും അതൊന്നു

നേടുവനാവില്ലെന്നറിയാമെങ്കിലും,

ജീവിതപാരാവാരത്തിൽ

നടുവിലൊരുവൻപാറമേവുമൊരു

തണ്ണീർക്കയത്തിൽ

ഇപ്പോഴുംവലകളെറിഞ്ഞു ഞാൻ

തിരയുന്നൂയെന്നാനന്ദംനിറച്ചോരാ

മലർമാല്യം കണ്ടെത്തീടാൻ,

നഷ്ടപ്പെട്ടുപോയ ആ സുഗന്ധം

വീണ്ടുമൊന്നനുഭവിച്ചീടാൻ..!