മഴ കൊള്ളുന്ന തീവണ്ടി
മഴ കൊള്ളുന്ന തീവണ്ടി
ഒരു പ്രണയം എത്ര വേഗമാണ്
മറന്നു പോകുന്നത് ?
മഴ കൊള്ളുന്ന തീവണ്ടിയെ നോക്കി
കൊരുത്തുപിടിച്ച കൈവിരലുകളാൽ
വഴിമരങ്ങള്ക്കിടയിലേക്കൂര്ന്നുവീണ
നിഴലുകൾക്കിടയിലൂടെ
ഇലമണം ശ്വസിക്കുന്ന
മഴത്തുള്ളികളോടൊപ്പം നനഞ്ഞു
തരളിതയായൊരു ഇലച്ചാര്ത്തു പോൽ
എന്നിലേക്ക് നനഞ്ഞൊട്ടിയിട്ടുണ്ട് നീ.
ശോകത്തിനു വിഹരിക്കാനിടം കൊടുക്കരുതെന്നു
മുഴുനീളെ പറഞ്ഞിരുന്നു നമ്മൾ.
നീളുന്ന പുഴയിലെ മുങ്ങിത്താണൊ-
രന്തർവാഹിനി പോലെ….
എല്ലാ പ്രഹേളികകളും കണ്ണീരിന്റെ
കറുത്ത ഭാണ്ഡങ്ങൾക്കൊണ്ടു മൂടി ,
വാക്കുകൾ ചിലനേരമെങ്കിലും
പാമ്പുകൾ പോലെ പുളയാറുണ്ട്…..