ഹിമകണം

ഭൂവിലേക്കൊഴുകുമോ-

രൊ ഹിമകണവും

സ്വർഗ്ഗത്തിൽ നിന്ന് ഒഴു-

കും സ്നേഹസമ്മാനം.

അണിയുന്ന ഭൂമിക്കേഴ-

ഴക് വിതറി തൂവെണ്മ-

മുത്തമോരൊ മൃദു

ഹിമകണവും.

ആഴിയിലേക്ക് ഒഴുകി-

യകലും ഹിമകണങ്ങൾ

ഒക്കെയും മനോഹര മു

ത്തുകളായി മിന്നിതിളങ്ങി.

ജ്വലിക്കുമാ മുത്തുക-

ളൊക്കെയും കൈയ്യി-

ലേന്തി ധരണിയിലെ

കമിതാക്കളേവരും.

തൻ പ്രാണന് അവ

സമ്മാനിച്ച് അതിൻ

ഫലമായിയവരുടെ

മനസ്സുകൾ നേടുവാൻ.

ദളങ്ങളിൽ പതിക്കു-

മോരൊ ഹിമകണവും

ഒരില മറ്റൊന്നിനെകും

ചുംബനമായി പരിണമിച്ചു.

ഓരോ ഹിമകണവും

പ്രണയത്തിൻ മൂക-

സാക്ഷിയും കമിതാവിൻ

സ്വരവുമാകുവാൻ വെമ്പി.

തുടുത്ത ദളത്തിൻ

കവിളിലൊക്കെയും

നാണവും അടങ്ങാത്ത

മോഹവും പ്രതിധ്വനിച്ചു.

തൻ പ്രാണന്‍റെ ഹൃദയ-

താളമാകുവാൻ കൊതിച്ച

കമിതാവിൻ നിർവൃതിക്ക്

സാക്ഷിയായി ഹിമകണങ്ങൾ.