മഞ്ഞു കാലം

ഒരു മഞ്ഞണിഞ്ഞ സായാഹ്നത്തിൽ

പതിഞ്ഞ കാലൊച്ചയിൽ നിറമുള്ള

സ്വപ്നത്തിൻ ചിറകേറി വന്നവൾ

പറയാൻ മറന്നൊരാ

പ്രണയമെൻ മനസ്സിന്റെ

നൊമ്പരമായി തീരവേ

നീയാകും മൗനരാഗം

ഞാൻ അറിയാതെ പോയ

നിമിഷം ഓർത്തു ഞാൻ..

അന്നെന്റെ ഹൃദയം തുടിച്ചത്

നിന്റെ ഒരു പുഞ്ചിരി

കാണാൻ ആയിരുന്നത്രെ….

ഇനിയും എഴുതി

തീരാത്തൊരെന്റെ കവിതയും

നീ ആയിരുന്നത്രെ….

എന്റെ മിഴിയിൽ, എന്റെ

മൊഴിയിൽ..നിറഞ്ഞതും..

നീ ആയിരുന്നത്രെ…..

നിന്നെ അറിയാൻ ഞാൻ

മറന്നുവോ…അതോ പറയാൻ

നീ മറന്നുവോ 

വരുമോ ഒരു മഞ്ഞണിഞ്ഞ

സായാഹ്നം

നിറയുമാ സ്നേഹനിമിഷങ്ങൾ...

വയ്യ… ഇനിയും ഈ വിരഹം….

അറിയുന്നു ഇന്ന് ഞാൻ

നീ ..എന്റെ ആത്മപ്രണയം….!!!