ഓർമ്മപ്പെടുത്തൽ
ഓർമ്മപ്പെടുത്തൽ
വേദനയുണ്ടോ?
ഇന്നോ?
ഇന്നലെയോ?
അതോ
കാലത്തോ?
വൈകിട്ടോ?
അതുമല്ലെങ്കിൽ
ഉച്ചക്കോ?
എന്നും
എപ്പോഴും
എന്തിന് നീ നോവേറ്റണം...
വേദന,
പിന്നെയും
വേദനയോ?
ഈ പ്രായത്തിലോ?
അതു നീ വെറുതെ പറയുന്നതാ..
ജോലിക്ക് പോകാൻ മടി
അതല്ലേ.. നീ കവിത എഴുതുന്നെ...
ഓർക്കണം... നിനക്ക് രണ്ടു
പെൺകുട്ടികൾ ആണ്...
"എഴുത്ത് " കൊണ്ട് അവരെ
പഠിപ്പിക്കാൻ പൈസ കിട്ടുമോ?
നിന്റെ കവിതയും, കഥയും, നീയും
ഒരു "കഥ ഇല്ലാത്തതാണ് ".
"അതെ ", സത്യം തന്നെ
ഞാൻ ഈ സമൂഹത്തിനു
"അൺഫിറ്റ് " ആണ്
അങ്ങനെയാണ് ഞാൻ
"വേദനിക്കുന്ന കവയത്രിയായത് "