മൺചിരാത്
മൺചിരാത്
കാർത്തികരാവിൽ തെളിഞ്ഞൂ
കറുപ്പിൽപ്രഭയുണർത്തീ
മൺചിരാതുകൾ
ചന്ദ്രികയും നക്ഷത്രക്കൂട്ടങ്ങളും,
കൺചിമ്മിയുണരും മുമ്പേ
വീടിന്റെയുമ്മറത്തും
എന്മനസ്സിലും നിന്മനസ്സിലും.
വിടകൊണ്ടു ദുഃഖസ്മരണകളും
ചിതറിത്തെറിച്ച
ദുഃഖത്തിൻ ചിന്തുകളും
നീലനിലാവിൽ ചന്ദ്രികവന്നു
നിറഞ്ഞു ചിരിച്ചപ്പോഴും
നിറകൺമിഴികൾ പോലും
സന്തോഷത്താൽ പൂത്തുലഞ്ഞു.
ഈരാണ്ടുകാലം മഹാ-
മാരിതൻഇഴചേർത്ത
തേർവാഴ്ചക്കിടയിലും
ഇഴവേർപിരിഞ്ഞ സ്വന്ത
ബന്ധസൗഹൃദങ്ങൾ
വീണ്ടുമൊന്നാകുമെന്ന
പ്രത്യാശയുടെപൊൻ
കിരണങ്ങൾ വീണ്ടും
ചുഴികുത്തിയുണരുന്നതു-
കണ്ടു,വെൺചന്ദ്രപ്രഭവിടരും
ആ നെയ്ത്തിരിനാളങ്ങളിൽ..
മനസ്സിനുള്ളിൽനിന്നും
വേർപെട്ടുപോയീ
മനോബലം നഷ്ടമായ പല
പകലിരവുകളുടെ
മന്ത്രണം വിരാജിച്ച
സാന്ത്വനങ്ങളും മനസ്സിന്റെ
വിഭ്രമാത്മകമായ താളലയങ്ങളും
നെഞ്ചിടിപ്പിന്റെ വിജ്രുംഭിച്ച
ഡമരു മേളങ്ങളും...