കവിതപൂക്കണം ഹൃദയവാടികയിൽ

വാക്കുകളോരോന്നും കലഹിക്കുന്നുള്ളിലായ് 

പെയ്തുതീരാത്ത മഴപോലെ ആർത്തുപ്പെയ്യുന്നുണ്ട് അകതാരിലായി

മനസ്സിന്റെ ശിശിരം കൊഴിഞ്ഞുപ്പോയി 

വന്നണഞ്ഞതോ വസന്തവും ഗ്രീഷ്മവും

കവിതകൾ പൂക്കണം മനസിന്റെ വാടികയിൽ

കണ്മുന്നിലെ കടലാസ്സിലൊക്കെ കവിതകൾ പൊഴിക്കണം

കടലാസ്സു നിറക്കണം ഹൃദയത്തിൻ വരികളാൽ 

പലവർണങ്ങളിൽ ചാലിച്ച പുഷ്പ്പങ്ങളേപ്പോലെ



മനോഹരമാവണമോരോ വാക്കുകളും

മനം കവരണമോരോ കവിതകളും

എന്റെ ഹൃദയത്തിൽ വിരിഞ്ഞ ഹൃദയപ്പുഷ്പ്പങ്ങളേ

ചേക്കേറു നീ നൂറു ഹൃദയങ്ങളിലായി