വീട്ടുപണി

നിനക്കെന്താ പണി?

“വീട്ടുപണി”

അവൾക്കെന്താ പണി?

“വീട്ടുപണി”

അതെന്താ അവൾക്കു “പണി” ഇല്ലേ?

അതൊരു “കെണി”

ഇതെന്താ ഇത്രെ “പണി”?

ഇതൊരു പണി ആണോ?

 

ഈ “വീട്ടുപണി”ക്കെന്തു വില ?

“നിനക്കെന്തു കിട്ടും” ?

 

എന്ത് കിട്ടാൻ ?

പഠിച്ചിട്ടും “പണിക്കു” പോകാതെ

വീട്ടിൽ “വെറുതെ ഇരിക്കുന്ന വീട്ടമ്മ”

എന്ന പേര് കിട്ടും ..!!!!

 

നിന്റെ “പണി”ക്കെന്ത് വില?

എന്റെ വിയർപ്പിന്റെ വില

എന്റെ സമയത്തിന്റെ വില

എന്റെ സന്തോഷത്തിന്റെ വില

എന്റെ അ൦ഗീകാരത്തിന്റെ വില

നിങ്ങളുടെ “ചോദ്യത്തിന്റെ വില”