കണ്ണാ..കാർമുകിൽവർണ്ണാ.

വരുമോ നീ കൃഷ്ണാ, പൊന്നാവണിമേട്ടിൽ

എന്മുന്നിലൊരു ചിത്രംപോലെ 

എൻഭാവനയിലൊരു കളസംഗീതംപോലെ 

നിൻ വേണുനാദത്തിലൊരു ഗീതംപോലെ 

നിറഞ്ഞു നിൽക്കുന്നുവല്ലോ നീയെൻ മനോമുകുരത്തിൽ... 

കാർമുകിൽ വർണ്ണാ കണ്ണാ.. !

പ്രേമമുരളികയൂതൂ നീ, ഈ പൊന്നാവണിമേട്ടിലാകെ നിറയട്ടേ

നിൻ നാദവും എന്റെ പ്രണയവും 

ആ നൂപുരനാദത്താൽ ഞാൻ ലയിക്കട്ടെ 

പ്രേമപരവശയാകും രാധയെപ്പോലെ.. !

കണ്ണാ, ചിന്തകളെല്ലാം കുടഞ്ഞിട്ടുവരൂ 

എന്നോടൊപ്പമൊരു പ്രേമനടനമാടാൻ 

അമ്പാടിയിലെ ഗോപികമാരൊടൊ -

ത്താടുന്നപോലെ,

എന്നെ പ്രേമനിർഭരയാക്കാൻ,വരുമോ നീ

കണ്ണാ… ! കാർമുകിൽ വർണ്ണാ..കണ്ണാ.. !