ഭയം

കോവിഡ് എൻ കുട്ടികളിൽ പടർന്നപ്പോൾ,

ജീവിതത്തിലാദ്യമായ് വളരെ ഭയപ്പെട്ടു ഞാൻ.

കുട്ടികളുടെ കരച്ചിലും വേദനയും,

കണ്ടു സഹിക്കാനാവാതെ എന്നിൽ,

ഭ്രാന്തമായൊരു ഭയം കടന്നു വന്നു.

മരുന്നുകളവർക്കു സമാധാനമേകിയപ്പോൾ,

ആശ്വാസ വചനങ്ങളും, സ്നേഹ ഭാഷണങ്ങളും കൊണ്ട്,

ദിവസങ്ങൾ ചിലതു കഴിഞ്ഞപ്പോൾ,

കോവിഡ് പതുക്കെ പതുക്കെ അപ്രത്യക്ഷമായി.

കുട്ടികളുടെ ആ കിടപ്പിപ്പൊഴും, കണ്ണിൽ വരുമ്പോൾ,

ഭയപ്പെടുന്നു ഞാനതിയായി ഭയപ്പെടുന്നു!