അകലം

ഒന്നിനു പിറകെ ഒന്നായി വരുന്ന 

തിരിച്ചടികൾ ജീവിതത്തിൻ്റെ 

താളം തെറ്റിക്കുമ്പോൾ നിന്നിലുള്ള വിശ്വാസത്തിനും കോട്ടംതട്ടുന്നുവോ..

നാളെയുടെ പ്രതീക്ഷകൾ സ്വപ്നങ്ങളാണെങ്കിലും  

ആ സ്വപ്നങ്ങൾപോലും 

ഇന്നെനിക്ക് അന്യമാണ്. 

തകർന്നടിയുന്നത് 

എൻ്റെ പ്രതീക്ഷകളും 

മനസ് മരവിക്കുമ്പോൾ 

നീയും എനിക്കിന്ന് അന്യമാണ്. 

ആശ്വാസ വാക്കുകൾക്ക് കാതോർക്കാൻ എന്തിനു വെറുതെ ആഗ്രഹിച്ചു. 

നീയിന്ന് എന്നിൽനിന്നും ഒരുപാട് അകലെയല്ലെ... മനസുകൊണ്ടും...