ಯಾರೀ ಕಲಾವಿದ?
ಯಾರೀ ಕಲಾವಿದ?
ಆಕಾಶಕೆ ನೀಲಿ ಬಣ್ಣವ ಬಳಿದು
ಅವನಿಯೊಳು ನೀರ ಚಿಲುಮೆ ಉಕ್ಕಿಸಿ
ಗಿಡ ಮರ ಗಳಿಗೆ ಹಸಿರು ಬಣ್ಣ ನೀಡಿ
ಹಲವು ವರ್ಣಚಿತ್ರಗಳ ರಚಿಸಿದ
ಕಲಾವಿದ ಯಾರಿವನು?
ತಾನೇ ಸೃಷ್ಟಿಸಿದ ಆಟಿಕೆಯ
ತನ್ನ ನೆಚ್ಚಿನ ಗೊಂಬೆಗಳಿಗೆ
ತಾನೇ ಜೀವಶಕ್ತಿಯ ನೀಡಿ
ಅವುಗಳ ಆಟವ ನೋಡಿ ನಲಿವ
ಕಲಾಕಾರ ಯಾರಿವನು ?
ತನ್ನ ಸೃಷ್ಟಿಯ ಕಲಾಕೃತಿಗಳ
ನಗಿಸಿ ಅಳಿಸಿ ಆಡಿಸುತ್ತಾ
ಕಡೆಗೊಮ್ಮೆ ಆಟಿಕೆಗಳೆಲ್ಲವನು
ತನ್ನೊಳಗೇ ಸೆಳೆದೊಯ್ಯುವ
ಕಲೆಗಾರ ಯಾರಿವನು ?