ನನಸಾಗದ ಕನಸು
ನನಸಾಗದ ಕನಸು
ಪುಟ್ಟದೊಂದು ಹಟ್ಟಿಯಲ್ಲಿ
ಮಲಗಿ ಮಂದಲಿಗೆಯಲ್ಲಿ
ಮುಳುಗಿ ಹೋದೆ ನಿದ್ದೆಯಲ್ಲಿ
ಸುಳಿದು ಹೋಗಿ ಕನಸಿನಲ್ಲಿ
ಹುಣ್ಣಿಮೆಯ ಬೆಳದಿಂಗಳಲ್ಲಿ
ನದ ನದಿಗಳ ನಿನಾದವಲ್ಲಿ
ಕುದುರೆ ಏರಿ ಬಂದನಲ್ಲಿ
ಸುಂದರಾಂಗ ನನ್ನ ನಲ್ಲ
ನೀಲಿ ಮುಗಿಲ ನಡುವಿನಲ್ಲಿ
ನಲ್ಲನ ನಳಿನ ತೋಳಿನಲ್ಲಿ
ಮುಳುಗಿ ಪ್ರೇಮ ಭಾವದಲ್ಲಿ
ಉಲಿದು ಪಿಸು ದನಿಯಲ್ಲಿ
ನನಗೆ ನೀನು ನಿನಗೆ ನಾನು
ಜೀವ ಒಂದು ದೇಹ ಎರಡು
ಬೆರೆತು ಹೋಗಿ ಏಕವಾಗಿ
ದ್ವೈತವಳಿದು ಅದ್ವೈತ ವಾಗೆ
ಬೆಳಕು ಹರಿದು ಕೋಳಿಕೂಗೆ
ನಿದ್ರೆ ಹರಿದು ಕನಸು ಕರಗೆ
ಆ ಕ್ಷಣ ಅರಿವಾಯಿತೆನಗೆ
ಹೋ ನನಸಾಗದ ಕನಸಿದು