ಮಿಲನ

ಅಂತರ ವಿರಲಿ ನಮ್ಮಿಬ್ಬರಲಿ ಗೆಳೆಯ 

ನೋವು ಕೊಡುವುದು ಕೆಲವು ಸಮಯ 

ಸಲಿಗೆಯು ಸಂತಸ ಸುಲಿಗೆ ಯಾತು 

ಮಾತು ಮನವ ಮಲಿನ ಮಾಡಿಯಾತು 

ಅರಿತು ನಡೆದರೂ ಆತಂಕ ತಪ್ಪಿಲ್ಲ 

ನುಡಿದ ನುಡಿಯಲಿ ತಪ್ಪು ಕಂಡಿಲ್ಲ 

ಸರಸದ ಸಮಯಕೆ ಅಂತ್ಯ ವೇನಿಲ್ಲ 

ಇರಲಿ ಈ ಬಂಧ, ಚಿಂತೆ ಬೇಕಿಲ್ಲ 

ಮೈದು ಮನಗಳಿಗೆ ಕಿಚ್ಚು ಹತ್ತೀತು 

ದೃಷ್ಟಿ ದೋಷವು ನಮ್ಮ ಹಿಡಿದೀತು 

ದೇಹವೆರಡು ಇರಲೇನು ದೂರದಲಿ 

ನಂಬಿಕೆಯಲಿ ಹುಳುಕು ಕಾಣದಿರಲಿ 

ಬರೆದ ಬರಹಗಳ ಮಿಲನವಾಗಲು

ಹೃದಯದಲಿ ಸಂತಸ ಹೊಮ್ಮಲಿ 

ಕಣ್ಣ ಕಾಂತಿಯಲಿ ವಿಷಾದ ಬೇಡ 

ಕಣ್ಣ ರೆಪ್ಪೆ ನಾನಾಗುವೆ ನೀ ನೋಡ 

ಅಂತರ ವಿರಲಿ ನಮ್ಮಿಬ್ಬರಲಿ ಗೆಳೆಯ 

ನೋವು ಕೊಡುವುದು ಕೆಲವು ಸಮಯ